20160811_102021

Cristal verkefnið á góðu skriði

Þekkingarnet Þingeyinga er aðili að alþjóðlega verkefninu Cristal, sem Nýsköpunarmiðstöð Íslands stýrir. Undanfarna mánuði hefur vinna við verkefnið verið í fullum gangi og á næstu mánuðum verða keyrð prufuverkefni í nokkrum markhópum í skólum í Norðurþingi. Verkefnið snýst um að koma sjálfbærni, frumkvöðlamennt og tæknimennt inní kennslu á leik-grunn- og framhaldsskólastigi. Norðurþing er prufusvæði í verkefninu en afurð þess verður öllum opin á miðlægum gagnagrunni á netinu. Öllum skólum í Norðurþingi var boðin þátttaka í tæknihópi kennara og eru nú 6 kennarar þátttakendur í verkefninu. Í ágúst fór hópurinn á viku Fab-lab námskeið á Sauðárkróki, þar sem verið var að kynna grunnatriði í laserskurðartækni, þrívíddarprentun, örgjörvatölvun og fleiri forritum sem hægt er að nota til kennslu. Við prufukeyrslu verður meðal annars horft til þess að nýta Micro-bit örgjörvatölvur sem allir skólar fengu gefins fyrir nemendur í 6-7 bekk. Þá fer hópurinn til Sikileyjar í mars, þar sem kennslulota í sjálfbærni fer fram en einn af þátttakendum í verkefninu er sjálfbær ólívubúgarður á Sikiley sem hefur hlotið viðurkenningar fyrir frumleika og metnað við sjálfbærni og umhverfisvitund. Háskólinn á Akureyri er þátttakandi í verkefninu og eru nemendur sem læra til kennara nú að undirbúa verkefni um sjálfbærni, sem hægt er að kenna á leik- og grunnskólastigi. Þá er fyrirtækið Lindberg&Lindberg í Svíþjóð einnig aðili í verkefninu og koma þeir að því að smíða miðlægan gangagrunn þar sem hægt er að nálgast efni, niðurstöður verkefnis og kennsluefni. Í ágúst á þessu ári verður vinnudagur þar sem öllum skólum á starfssvæði Þekkingarnetsins gefst kostur á að kynna sér framgang verkefnisins, prufuverkefni kynnt og ferlið í kring um innleiðingu þessara verkþátta inní kennslu. Verkefninu lýkur í ágúst 2018.

20160811_110629_resized

Anna Björg rýnir í Arduino örgjörvatölvur, en þær er hægt að nota við forritun á ýmis konar hlutum.

20160811_154122_resized

 

 

 

 

 

 

 

 

Kristján Ingi við þrívíddarprentun en slíkur prentari er til staðar í Tæknismiðju ÞÞ og FSH á Húsavík.

20160811_190028_resized

 

 

 

 

 

 

 

 

Einfalt hjarta sem sett er inn í forritið 123 Make – það sneiðir hlutinn niður í form sem síðan er hægt að skera í laserskera, eins og sést á myndinni þar sem búið er að púsla hjartanu saman.

20160809_142509

 

 

 

 

 

 

 

 

Anna Björg, Kolbrún Ada og Kristján Ingi með vegglímmiða úr vinylskeranum, það er verkfæri sem nokkuð einfalt er að kenna grunnskóla og framhaldsskóla nemendum að nota.

20160811_102021

 

 

 

 

 

 

 

 

Karin reynir við örgjörvatölvurnar, getur virkað flókið í fyrstu.

20161108_094938

Framvindufundur í nóvember 2016 með skólastjórnendum og tæknihópi kennara, ásamt þátttakendum Þekkingarnetsins, Háskólans á Akureyri og Nýsköpunarmiðstöðvar Íslands.

20161202_093524_resized

 

 

 

 

 

 

 

 

Vincenza Ferrara frumkvöðull og ólívubóndi, á verkefnisstjórnarfundi í Reykjavík í desember 2016

 

Deila þessum póst

Share on facebook
Share on google
Share on twitter
Share on linkedin
Share on pinterest
Share on print
Share on email
X