Þriðjudaginn 20. nóvember var haldið námskeið um álag, streitu og kulnun sem fór fram í Framsýn. Þekkingarnet Þingeyinga og Stéttarfélögin í Þingeyjarsýslum buðu frítt á námskeiðið sem stóð yfir í nokkra klukkutíma og var þátttakan mjög góð.
Eyþór Eðvarðsson sá um námskeiðið og kenndi þátttakendum leiðir til að koma auga á mismunandi einkenni streitu og ráð til að takast á við streituna. Einnig var fjallað um ástæður streitu og kulnunar hjá fólki og hvaða áhrif það getur haft á líf þeirra.
