Það er óhætt að segja að náttúran hafi skartað sínu fegursta þegar Erasmus teymi ÞÞ vann að lokaskýrslu Sustain-It verkefnisins í Mikley þekkingarsetri í Mývatnssveit í dag. Þar var glampandi sól, logn og fimmtán stiga frost. Verkefnið er nú á lokametrunum og hefur gengið með ágætum undir dyggri stjórn Dittu okkar. Samstarfsaðilar Þekkingarnetsins í verkefninu eru átta og koma frá sex þjóðlöndum svo það hefur verið heilmikil áskorun að bregðast við breyttum aðstæðum í miðjum heimsfaraldri. Allt hefur þó gengið vonum framar með fundarhaldi í netheimum og lausnamiðuðum þátttakendum. Alls er unnið að fimm Evrópuverkefnum hjá Þekkingarnetinu þessa dagana og því mikið líf og fjör.
