Þekkingarnetið var að birta ársskýrslu fyrir árið 2019. Í sömu skýrslu er að finna starfsáætlun fyrir árið 2020. Auk þess að birta helstu grunnupplýsingar um stofnunina, reglulega starfsemi og árleg verkefni er að finna ýmsar athyglisverðar upplýsingar um starfsemina á liðnu ári.
Í skýrslunni má meðal annars sjá að Þekkingarnetið hélt 72 námskeið á árinu 2019 í um 2.200 kennslustundum og 26 þúsund nemendastundum og sinnti yfir 900 skráðum nemendum. Á árinu 2019 voru tekin 525 námsráðgjafarviðtöl og tekin 246 fjarpróf frá 15 skólum. Á rannsóknasviði var unnið að 11 sjálfstæðum rannsóknaverkefnum á árinu 2019 sem skiptust nokkuð jafnt milli þess að vera útseld verkefni fyrir aðra og frumkvæðisverkefni Þekkingarnetsins. Þá tók stofnunin þátt í þremur alþjóðlegum þróunar- /rannsóknaverkefnum á árinu og hafði fjóra háskólanema í sumarvinnu við rannsóknastörf.
