Ekkert brottfall eftir 10. bekk á Þórshöfn

Nú er ný önn hafin í Menntasetrinu á Þórshöfn og nemendur farnir að streyma inn og út. Námskeiðahald fer að rúlla af stað og nemar í fullorðinsfræðslu mæta í tíma seinnipart dags. Í framhaldsskóladeildinni eru nú 6 nemendur þar sem tveir fyrrum nemendur sneru aftur eftir að taka haustönnina á Laugum. Þetta er fimmti veturinn sem deildin starfar og ánægjulegt að segja frá því að tilkoma hennar hefur útrýmt brottfalli nemenda eftir 10. bekk á Þórshöfn, þ.e.a.s. að síðastliðin fimm ár hafa allir nemendur sem klára 10. bekk farið í skóla annað hvort í framhaldsskóladeildinni eða farið lengra til. Þetta styrkir deildina í sessi enda samfélagslegur hagur af því að mennta unga fólkið okkar. Nokkur spenna er í krökkunum fyrir komandi mánuði en þá fara nokkur þeirra ásamt kennara í skólaferð til Kanaríeyja. Það er liður í Comeniusar verkefni sem Framhaldsskólinn á Laugum tekur þátt í ásamt nokkrum öðrum evrópulöndum.

Deila þessum póst

Share on facebook
Share on google
Share on twitter
Share on linkedin
Share on pinterest
Share on print
Share on email
X