Events at this location

Ódýr og gefandi ferðalög með húsaskiptum

Á þessu námskeiði eru húsa- og íbúðaskipti kynnt fyrir þátttakendum. Farið er yfir það hvernig húsaskipti virka og rýnt í ávinninginn og áhættuna af slíkum ferðamáta.

Húsaskipti verða sífellt vinsælli valkostur enda gefandi og hagkvæmur ferðamáti. Þau  opna dyr að öðruvísi ferðalögum en í stuttu máli gefst þeim sem tileinka sér ferðamátann tækifæri til þess að ferðast um heiminn án þess að borga fyrir gistingu. Í staðinn er hægt að nýta peninga sem sparast í aðrar upplifanir á ferðalaginu.

Á námskeiðinu er m.a.  rætt um:

–      Hvar og hvernig byrjar maður í húsaskiptum?

–      Kosti og galla húsaskipta?

–      Hvernig eykur maður líkurnar á vel heppnuðum skiptum?

–      Bílaskipti

Um leiðbeinandann: Fjölmiðlakonan Snæfríður Ingadóttir hefur á undanförnum árum ferðast víða með fjölskyldu sinni, bæði innanlands og utan og nær eingöngu nýtt sér húsaskipti á sínum ferðalögum. Þá hefur hún einnig  skrifað handbók um efnið sem og fleiri ferðatengdar bækur m.a. um Tenerife og búsetu á Spáni.

Lengd námskeiðs 2,5 klst.

Í lífi og starfi er mikilvægt að kunna að setja mörk af ábyrgð, vinsemd og festu. Við gegnum mörgum hlutverkum og þess vegna er gott að skilja á milli, til dæmis sem starfsmenn, vinnufélagar, stjórnendur, kunningjar, ættingjar, vinir, foreldrar, makar, aðstandendur og einstaklingar með fjölskyldu og frítíma, en ekki síst sem mannlegar verur sem þurfa að hlúa að sjálfum sér. Farið er í mikilvægi þess að þekkja sínar eigin tilhneigingar og vita hvaða mörk þarf helst að styrkja, til að geta byrjað að æfa sig í að setja skýr og mannleg mörk. Hvenær er líklegast að það reyni á mörkin? Er það í ákveðnum aðstæðum? Eru ákveðnir einstaklingar sem taka af okkur stjórnina, orðið eða skipulagið? Gefin eru ráð í samskiptum, til dæmis varðandi það að hafa áhrif á tímasetningar, stað og stund, aðstöðu og andrými til að sinna erindum og tækifæri til persónulegrar hvíldar. Lögð er áhersla á að láta ekki stýrast af óskipulagi annarra og mikilvægi þess að geta sagt “nei” á skýran og vinsamlegan hátt.

Leiðbeinandi: Steinunn Inga Stefánsdóttir hjá Starfsleikni

27. apríl og 4. maí kl. 14:00-16:00.