Event Type : Tómstundanámskeið

Ódýr og gefandi ferðalög með húsaskiptum

Á þessu námskeiði eru húsa- og íbúðaskipti kynnt fyrir þátttakendum. Farið er yfir það hvernig húsaskipti virka og rýnt í ávinninginn og áhættuna af slíkum ferðamáta.

Húsaskipti verða sífellt vinsælli valkostur enda gefandi og hagkvæmur ferðamáti. Þau  opna dyr að öðruvísi ferðalögum en í stuttu máli gefst þeim sem tileinka sér ferðamátann tækifæri til þess að ferðast um heiminn án þess að borga fyrir gistingu. Í staðinn er hægt að nýta peninga sem sparast í aðrar upplifanir á ferðalaginu.

Á námskeiðinu er m.a.  rætt um:

–      Hvar og hvernig byrjar maður í húsaskiptum?

–      Kosti og galla húsaskipta?

–      Hvernig eykur maður líkurnar á vel heppnuðum skiptum?

–      Bílaskipti

Um leiðbeinandann: Fjölmiðlakonan Snæfríður Ingadóttir hefur á undanförnum árum ferðast víða með fjölskyldu sinni, bæði innanlands og utan og nær eingöngu nýtt sér húsaskipti á sínum ferðalögum. Þá hefur hún einnig  skrifað handbók um efnið sem og fleiri ferðatengdar bækur m.a. um Tenerife og búsetu á Spáni.

Lengd námskeiðs 2,5 klst.

Þátttakendur læra helstu grunnaðferðir í mótun leirs. Við vinnum með höndunum og styðjumst við helstu aðferðir sem eru notaðar við að byggja upp viðfangsefnið, t.d. pylsutækni og plötutækni. Á verkstæðinu eru líka til gifsmót sem hægt er að byggja upp skálar af ýmsum stærðum. Farið er í gegnum eðli leirsins og hvernig ferlið er frá mótun til brennslu og glerjunar.

Námskeiðið er einstaklingsmiðað þannig að þátttakendur byrja þar sem þeir eru staddir og eru hvattir til að koma með hugmyndir að verkefnum sem við í sameiningu finnum farveg fyrir.

Unnið er með steinleir, hann glerjaður eða notaðir sérstakir leirlitir sem henta vel til skreytingar.

Allt efni innifalið, 5 kg steinleir, leirlitir, glerungar og brennsla.

Námskeiðsdagar eru 4 laugardagar eftir páska, nánar ákveðið síðar.  Kennt er frá kl. 9-13.

Skráning og nánari upplýsingar hjá kennara; anitakg@gmail.com eða í s: 698-5161. Einnig er hægt að skrá sig á www.hac.is.  

Verð 39.500. 

Athugið með endurgreiðslu hjá ykkar stéttarfélagi.