Aðlögun sveitarfélaga að loftslagsbreytingum

24apr13:00Aðlögun sveitarfélaga að loftslagsbreytingumEingöngu ætlað kjörnum fulltrúum og starfsfólki sveitarfélaga á Norðurlandi eystra13:00(GMT+00:00)

Nánar um viðburð

Flokkur: Loftum

Eingöngu ætlað kjörnum fulltrúum og starfsfólki sveitarfélaga á Norðurlandi eystra. 

Á fyrirlestrinum munu sérfræðingar Veðurstofu Íslands kynna glóðvolgar niðurstöður vísindanefndar um loftslagsbreytingar hvað varðar umfang og áhrif loftslagsbreytinga á Íslandi, hvaða leiðir sveitarfélög og aðrir sem koma að stefnumótun til framtíðar geti búið sig undir breyttan heim. Fundurinn samanstendur af fræðsluerindum og vinnustofum þar sem upplýsingar verða yfirfærðar á nærumhverfi þátttakenda.

Ljóst er að loftslagsbreytingar eru byrjaðar að breyta náttúrufari og lífsskilyrðum fólks á Íslandi með vaxandi áskorunum fyrir efnahag, samfélag og náttúru. Veðurfar og náttúruaðstæður á landinu, og í hafinu umhverfis það, verða í lok aldarinnar án fordæma frá upphafi byggðar á Íslandi.

Samfélög eru ekki aðeins berskjölduð gagnvart beinni loftslagsvá svo sem skriðuföllum, flóðum og þurrkum heldur einnig óbeinni vá sem getur meðal annars haft áhrif á aðfangakeðjur og fæðuöryggi, samfélag og heilbrigðiskerfi.

Mikilvægt er að þeir sem vinna að skipulagi og stefnumótun hafi greinargóðar upplýsingar, þekkingu og viðeigandi tæki og tól til þess að taka ákvarðanir með breytta framtíð í huga.

Fyrirlesturinn mun taka um 40 mín. og í lokinn verður opið fyrir spurningar og samtal um málefnið.

 

Markhópur: Kjörnir fulltrúar sveitarfélaga, yfirstjórn og starfsfólk í veitum og umhverfis- og skipulagsmálum.

Tímasetning: Zoom – 24. apríl kl. 13:00 – 14:00

Leiðbeinendur: Anna Hulda Ólafsdóttir og Theódóra Matthíasdóttir sérfræðingar hjá Veðurstofu Íslands

 

Frekari upplýsingar varðandi LOFTUM námskeið gefa: 

Kristín Björk – 460-5724 – kristin@simey.is

Ingunn Helga – 460-5727 – ingunn@simey.is

Hilmar Valur – 464-5100 – hilmar@hac.is

 

Tími

(Miðvikudagur) 13:00(GMT+00:00)