Í gær útskrifuðust 10 nemendur úr íslensku 2B. Kennslan hefur farið fram í Framhaldsskólanum á Húsavík, tvo seinni parta í viku sl. 5 vikur. Þessi öflugi hópur hefur nú lokið 120 kest. í íslensku og engan bilbug er á þeim að finna. Þau skráðu sig öll á næsta námskeið, 3A, sem fer af stað í byrjun febrúar.
Heiða Guðmundsdóttir hefur kennt undanfarin námskeið og náð einstaklega vel til nemenda. Enda er Heiða sómakona og óvenju hress.
Erla Dögg, náms- og starfsráðgjafinn okkar leit við í síðasta tímanum, ræddi við hópinn um framhaldið og veitti í lok tímans öllum nemendum viðurkenningarskjöl.
Hlökkum til að sjá ykkur aftur í febrúar.
