Þrjú íslenskunámskeið fyrir útlendinga eru nú í gangi á starfssvæði okkar. Í Mývatnssveit sitja 16 manns á byrjendanámskeiði, á Raufarhöfn stunda 6 manns íslenskunám á fyrstu tveimur stigunum og í gær byrjuðu 10 nemendur í íslensku 2A á Húsavík. Óhætt er að segja að fjölbreytileikinn sé í fyrirrúmi í þessum námskeiðum en nemendur koma frá 14 þjóðlöndum. Við óskum þessum glaðlegu og áhugasömu nemendum á Húsavík og Mývatnssveit góðs gengis á námskeiðinu.
