Jarðskjálftaráðstefna á Húsavík 6. – 8. júní

Ráðstefnan Jarðskjálftar á Norðurlandi verður haldin á Húsavík dagana 6. – 8. júní og verður þar fjöldi innlendra sem erlendra fræðimanna. Þekkingarnet Þingeyinga kemur að skipulagi ráðstefnunnar og verður meðal annars opið hús í Þekkingarsetrinu fimmtudaginn 6. júní kl 18.20 þar sem hægt er að hitta á fræðimenn sem og fulltrúa frá almannavörnum og lögreglu. Yfir 60 þátttakendur hafa boðað komu sína en yfir 30 fyrirlestrar verða fluttir á ráðstefnunni auk þess sem að opnar málstofur verða lokadaginn.