Það var líflegur dagur á Þekkingarnetinu í dag, rúmlega 20 starfsmenn Trésmiðjunnar Rein mættu hingað til að sitja skyndihjálparnámskeið. Starfsmennirnir komu með glænýtt hjartastuðtæki sem fyrirtækið keypti nýverið til að hafa í starfsaðstöðu sinni og óskuðu eftir kennslu á tækið. Trausti Már Valgeirsson, skyndihjálpakennari, varð að sjálfsögðu við því.
Það er gríðarlega ánægjulegt þegar fyrirtæki gefa sér tíma í að sitja þessi mikilvægu skyndihjálparnámskeið, því það er aldrei að vita hvenær starfsfólk lendir í þeim aðstæðum að þurfa að aðstoða næsta mann í neyð.
Takk fyrir daginn Reinarfólk.
