Þekkingarnetið var að birta lokaskýrslu þróunarverkefnis um myndun þekkingarseturs í Mývatnssveit. Um er að ræða verkefni sem Þekkingarnetið hefur unnið að síðustu mánuði í samráði við starfshóp sem Skútustaðahreppur setti á fót í tengslum við verkefnið. Skýrsluna má nálgast HÉR og ennfremur á þessari heimasíðu undir „útgefið efni“.
Í skýrslunni kemur skýrt fram það mat starfshóps Skútustaðahrepps að forsendur séu góðar og raunhæfar fyrir myndun/byggingu þekkingarseturs í Mývatnssveit og að mikil jákvæð áhrif myndu hljótast af fyrir samfélagið og starfsemi þeirra aðila sem kæmu til með að starfa innan setursins.
