Hnossgæti að heiman – Matarsmiðja

Nú í vetur fer af stað hjá Þekkingarnetinu námskeiðið Hnossgæti að heiman – Matarsmiðja.

Námskeiðið miðar að því að veita matvælaframleiðendum fræðslu um þróun, fullvinnslu og markaðssetningu afurða í takt við Beint frá býli hugmyndafræðina.  

Meðal þess sem tekið verður fyrir er:  

  •  Hreinlætis- og örverufræði.  
  •  Gæðahandbók  
  •  Næringargildi 
  •  Matvælastofnun 
  •  Hráefnisfræði – Kjöt 
  •  Aukaefni 
  •  Uppskriftir; uppsetning – verklýsingar – framlegðarútreikningar.   
  •  Rekstur og afkoma 
  •  Ostagerð   
  •  Hráefni – fiskur og kjöt 
  •  Hráefni – villtar jurtir  
  •  Framleiðsla á eigin vöru – Einstaklingsvinna í tilraunaeldhúsi. 
  • Styrkir og styrkjamöguleikar  

 

Ýmsir gestafyrirlesarar koma að námskeiðinu og verður hluti þess kennt í fjarkennslu með áherslu á sveigjanleika námsins yfir þátttakendur.  

Unnið er út frá námskránni Matarsmiðja frá Fræðslumiðstöð atvinnulífsins. 

Skráning er á www.hac.is 

 

Námið er 80 klukkustundir bóklegt (fyrirlestrar) og verklegt. Kennslan fer fram frá október 2021 – febrúar 2022

Fyrirlestrar verða í fjarkennslu þar sem notast er við fjarfundakerfi sem heitir Zoom, þátttakendur þurfa því að hafa aðgang að tölvu með myndavél og hljóðnema. Kennt er á mánudögum og miðvikudögum kl 16:30-18:30 en upptökur verða aðgengilegar eftir kennslu.

Verklegi þátturinn er tvískiptur. Um er að ræða einn dag á ostagerðarnámskeiði og hins vegar þriggja daga lotu í löggildum matvælasmiðjum á svæðinu.

Námskeiðið kostar kr. 36.000 og þátttakendum er bent á að kanna rétt sinn til endurgreiðslu hjá starfsmenntasjóðum. 

Deila þessum póst

Share on facebook
Share on google
Share on twitter
Share on linkedin
Share on pinterest
Share on print
Share on email
X