Líf og fjör í skólanum

Skólaárið 2013-2014 hefur verið afar blómlegt hérna á Þekkingarnetinu. Þátttaka á námsleiðum hefur verið með besta móti og fjölmargir nemendur hafa lagt stund á nám í starfstengdum námsleiðum. Alls luku 33 nemendur námi í „Grunnnámi í fiskvinnslu sem kennt var í upphafi árs, bæði hér á Húsavík sem og á Þórshöfn. Í dag útskrifast svo 11 nemendur úr „Skrifstofuskólanum“ sem er 240 kennslustunda námsleið sem hófst í lok september. Í lok mars útskrifast svo 5 nemendur úr námsleiðinni „Fagnám fyrir starfsmenn í leikskólum“.IMG_5430

Fleiri starfstengdar námsleiðir er verið að kenna núna á vorönninni og má þar nefna „Fagnámskeið fyrir starfsfólk í heilbrigðis- og félagsþjónustu“ en þar eru 10 konur í námi tvisvar í viku. Einnig má nefna námsleiðina „Sterkari starfmaður- nám í samskiptum og upplýsingatækni“ en sú námsleið er kennd bæði á Húsavík og á Þórshöfn.

IMG_5805Í mars er stefnt að því að fara af stað með Opna smiðju þar sem lögð verður áhersla á hönnun og handverk. Sú námsleið verður kennd í lotum í norður-Þingeyjarsýslu og stendur skráningin ennþá yfir.

Það er því óhætt að segja að íbúar í Þingeyjarsýslum séu duglegir að sækja nám til okkar, til að efla sig og bæta og getum við ekki annað en glaðst yfir því.

Deila þessum póst

Share on facebook
Share on google
Share on twitter
Share on linkedin
Share on pinterest
Share on print
Share on email
X