Mikley-þekkingarsetur var opnað með formlegum hætti í Mývatnssveit 1. nóvember. Vel var mætt af heimafólki og mikil stemming fyrir verkefninu. Arnþrúður Dagsdóttir (Ditta) starfsmaður Þekkingarnetsins hélt utan um dagskrá dagsins í samvinnu við aðra sem starfa í setrinu. Heimafólk hafði stuttar framsögur um þekkingarsetrið og aðdraganda þess, en auk þeirra ávarpaði Steingrímur J. Sigfússon forseti Alþingis samkomuna fyrir hönd þingmanna kjördæmisins. Veitingar voru að sjálfsögðu af mývetnskum toga. Tónlistarfólk af svæðinu skemmti gestum (Stefán Jakobsson og Fanney Kristjándsóttir) og svo þvældist auðvitað jólasveinn úr Dimmuborgum innan um gestina.
Starfsfólk og stjórn Þekkingarnetsins mætti allt á svæðið og tók þátt. Ekki er vafi á því að starfsemin í Mikley mun efla þjónustu Þekkingarnets Þingeyinga.
Arnþrúður (Ditta) ávarpar gesti
Helgi Héðinsson oddtivi Skútustaðahrepps
Jólasveinn úr Dimmuborgum lét sig ekki vanta
