Viskí – Saga og smökkun með Snorra Guð.

Veistu hvað þú ert að drekka? Þekkir þú söguna?

Er viskíið gullið eða rafgullið? Er það einmöltungur eða blandað?

Er það Highland eða Lowland? Hvað er Speyside og Islay?

Á 101-námskeiði er farið í söguna, upphaf viskíframleiðslu og þróun til dagsins í dag.

Lönd og svæði skoðuð, en áhersla er samt á Skotlandi. Einnig spáð í Búrbon og rúgviskí.

Á námskeiðinu eru prófaðar sirka 9 tegundir, meðan glærusýning er keyrð og spjallað um það, sem menn langar að vita meira um.

Um Snorra Guð:

Snorri Guðvarðsson er málarameistari á Akureyri, sem hefur sérhæft sig í vinnu við friðuð hús og þá aðallega kirkjur. Þar snýst vinnan um viðar- og marmaramálun, gyllingu og og alls kyns skreytingar, ásamt vinnu með línolíumálningu og önnur efni fyrri tíma.

Hann hefur líka verið í hljómsveitum frá unga aldri og var m.a. lengi í Hljómsveit Ingimars Eydal.

Snorri fékk á fullorðinsárum áhuga á viskí og öllu, sem það snertir. Hann hefur verið með kynningar fyrir öll viskíumboðin á landinu, einnig námskeið m.a. fyrir simey.is, farskolinn.is og Þekkingarnet Þingeyinga ásamt alls kyns námskeiðum fyrir klúbba, félagasamtök, vinnu- og vinahópa, starfsmannafélög o. fl.

Þetta námskeið er aðeins ætlað starfsfólki Heilbrigðisstofnunar Norðurlands (HSN).

Streitan er óumflýjanlegur hluti daglegs lífs. Hún getur verið jákvæð þegar hún kemur fram við réttar aðstæður en heilsuspillandi þegar hún er langvarandi. Við erum misvel í stakk búin til að mæta álagi. Sumir ná að halda ró sinni í mjög krefjandi aðstæðum á meðan aðrir fara yfir strikið við minnsta álag. Ef við náum að beina streitunni í réttan farveg getur hún verið jákvæður kraftur sem hvetur okkur til dáða og eykur einbeitingu okkar og afköst.

Orkustjórnun og tímastjórnun eru nátengdar streitu. Orkustjórnun er mikilvæg í sífellt meira krefjandi vinnuumhverfi. Þegar við erum orkumikil erum við afkastameiri, meira skapandi, sjáum raunhæfar lausnir og tækifæri og höfum jákvæð áhrif á aðra. Mikilvægt er að viðhalda orkustígi sínu með því að hreyfa sig, tryggja nægan svefn, borða heilsusamlegan mat og taka reglulega hlé frá vinnutengdum málum.

Góð tímastjórnun, forgangsröðun og markmiðasetning stuðlar einnig að meira jafnvægi og minni streitu. Með góðri skipulagningu og vinnutilhögun er hægt að skapa tíma fyrir mikilvægustu verkefnin og auka skilvirkni. Markmið þurfa að vera viðráðanleg og raunhæf því þegar árangursþörfin breytist í fullkomnunaráráttu getur hún dregið úr frammistöðu okkar og lífsgæðum.

Á námskeiðinu verður fjallað um streituvalda og leiðir til að takast á við streitu, m.a. með því að forgangsraða, stjórna tíma sínum og huga að orkustiginu.

Meðal þess sem tekið er fyrir á námskeiðinu

• Að þekkja eigin streituviðbrögð
• Forgangsröðun og bætt tímastjórnun.
• Heilbrigður lífsstíll.
• Að stýra orkunni

Ávinningur:

• Minni streita
• Meiri afköst
• Aukin orka
• Betri forgangsröðun

Kennsluaðferðir

• Fyrirlestur
• Umræður
• Æfingar
• Virk þátttaka

Leiðbeinandi er Ingrid Kuhlman, þjálfari og ráðgjafi hjá Þekkingarmiðlun ehf.

Farið verður yfir uppskriftir og leiðbeiningar í smjörkremsgerð, hvernig kremi er smurt á milli og hvernig hjúpa skal köku fyrir skreytingu. Kenndar verða nokkrar aðferðir til hjúpa kökuna með mismunandi útliti. Því næst er súkkulaðiskraut útbúið og allir þátttakendur læra að útbúa ganaché og hvernig hægt er að láta það leka fallega niður hliðarnar. Að lokum skreyta allir sína köku með frjálsri aðferð.Allt hráefni er innifalið og taka þátttakendur kökuna sína með sér heim.  Sylvía Haukdal frá Sætum syndum -http://saetarsyndir.is/ mun kenna okkur réttu handtökin við kökuskreytingar.
Þórshöfn 20. nóvember kl 17-21
Verð: 19.500. Allt hráefni er innifalið

Farið verður yfir uppskriftir og leiðbeiningar í smjörkremsgerð, hvernig kremi er smurt á milli og hvernig hjúpa skal köku fyrir skreytingu. Kenndar verða nokkrar aðferðir til hjúpa kökuna með mismunandi útliti. Því næst er súkkulaðiskraut útbúið og allir þátttakendur læra að útbúa ganaché og hvernig hægt er að láta það leka fallega niður hliðarnar. Að lokum skreyta allir sína köku með frjálsri aðferð.Allt hráefni er innifalið og taka þátttakendur kökuna sína með sér heim.  Sylvía Haukdal frá Sætum syndum -http://saetarsyndir.is/ mun kenna okkur réttu handtökin við kökuskreytingar.
Húsavík 21. nóvember kl 17-21
Verð: 19.500. Allt hráefni er innifalið