Þetta námskeið er aðeins ætlað starfsfólki Heilbrigðisstofnunar Norðurlands (HSN).

Lykilinn að framúrskarandi samstarfi og árangri felst í öflugum samskiptum. Rannsóknir hafa margsýnt fram á fylgni á milli öflugra samskipta á vinnustað og aukinnar framleiðni og starfsánægju.

Meðal þess sem þátttekndur fá út úr námskeiðinu er:

· Innsýn í mismunandi samskiptastíl og hvað einkennir „fyrirmyndar“ samskiptastíl

· Upplýsingar um dæmigerðar ástæður ágreinings á vinnustöðum

· Betri færni í að taka eftir „földum“ skilaboðum (sínum eigin og annarra)

· Aukinn skilning á hvernig megi fyrirbyggja óæskilegan ágreining og spennu á vinnustaðnum og í staðinn stuðla af öflugum samskiptum

· Aukna færni til að takast á við erfið samskipti og erfið mál sem þarf að ræða

Um leiðbeinandann:

Rakel Heiðmarsdóttir útskrifaðist með doktorsgráðu í ráðgjafarsálfræði (counseling psychology) frá University of Texas at Austin árið 2002. Hún hefur síðan starfað við mannauðs- og stjórnunarráðgjöf, markþjálfun og mannauðsstjórnun. Að auki hefur hún haldið fjölda námskeiða um samskipti, stjórnun og fleira. Rakel var meðal annars mannauðsstjóri hjá Norðuráli til ríflega sex ára (2005-2012) og hjá Bláa Lóninu í fjögur ár (2013-2017). Rakel starfar nú hjá Birki ráðgjöf ehf en þar er hún einn þriggja eigenda.

Húsavík – 15. október kl. 12-16

Þetta námskeið er aðeins ætlað starfsfólki Heilbrigðisstofnunar Norðurlands (HSN).

Tilgangur námskeiðsins er í aðalatriðum sá að nemandinn kynnist grundvallarhugmyndum, einkennum og helstu aðferðum sem notaðar eru í samskiptum við þá sem kljást við alvarlegan og langvinnan geðrænan vanda og áfengis og vímuefnavanda.

Að námskeiði loknu skal nemandi:

• geta útskýrt þá hugmyndafræði sem lögð er til grundvallar samskiptum við notendur geðheilbrigðisþjónustunnar og aðstandendur þeirra og þær aðferðir og eiginleika sem leggja ber áherslu á varðandi tjáskipti og meðferðarsamband í því samhengi.

• geta útskýrt flokkun og einkenni helstu geðrænna raskana sem geta flokkast sem alvarlegur og langvinnur geðrænn vandi og áfengis og vímuefnavandi

• geta gert grein fyrir helstu íhlutunum, meðferðarleiðum og meðferðarformum sem notuð eru í tengslum við ofangreinda kvilla

Leiðbeinandi:

Gísli Kort Kristófersson, Dósent.

Þetta námskeið er aðeins ætlað starfsfólki Heilbrigðisstofnunar Norðurlands (HSN).

Súrkál er fullt af góðgerlum og stuðlar að heilbrigðri þarmaflóru. Það er vegan og inniheldur lítið af kolvetnum.

Kennari er Dagný Hermannsdóttir, en hún er reynslubolti í súrkálsgerð. Hún er höfundur bókarinnar Súrkal fyrir sælkera og framleiðir vörur undir sama heiti.

Kennslan verður bæði í formi fyrilesturs og sýnikennslu. Boðið verður upp á alls kyns gerjað grænmeti og meðlæti og þátttakendur fá bækling þar sem tekin eru saman helstu atriði sem hafa þarf í huga auk nokkurra uppskrifta.

Til að sýra grænmeti er engin þörf á sérstökum tækjum eða tólum. Í flestum eldhúsum er að finna það sem til þarf. Skurðarbretti, hnífur, grænmeti, salt og stór glerkrukka er nóg til að koma sér af af stað Að námskeiði loknu ættu þátttakendur að vera tilbúnir að leggja af stað í sína eigin súrkálsvegferð fullir sjálfstrausts.

Hægt verður að kaupa bók Dagnýjar, Súrkál fyrir sælkera, á sérstöku tilboðsverði, en þar er að finna fjöldan allan af uppskriftum auk ítarlegra leiðbeininga.

Einnig verður hægt að kaupa súrkál ,,beint frá bónda” á sanngjörnu verði.