Stefán Pétur Sólveigarson ráðinn í nýsköpunarsetur á Húsavík

Þekkingarnet Þingeyinga hefur ráðið í nýtt starf verkefnastjóra í nýsköpun á Húsavík. Stefán Pétur Sólveigarson hefur verið ráðinn í starfið. Stefán Pétur hefur starfað sem vöruhönnuður undanfarin ár og hefur margvíslega reynslu og menntun á sviði hönnunar og nýsköpunar.

Stefán Pétur mun leiða uppbyggingarstarf á sviði nýsköpunar á Húsavík í samstarfi við stjórnendur og starfsfólk Þekkingarnetsins. Meðal verkefna verður uppsetning og mótun Fab-lab smiðju, stofnun frumkvöðlaseturs og tengslamyndun innan og utan lands í tengslum við þessa starfsemi. Þá mun Stefán Pétur koma að vinnu við þróun húsnæðiskosts og útfærslu kringum það á næstu mánuðum.

Stefán Pétur hyggst flytja til Húsavíkur með fjölskyldu sinni komandi sumar til að sinna starfinu og mun hefja störf á næstu vikum.

Starfsfólk Þekkingarnetsins býður Stefán Pétur og hans fólk innilega velkomið til Húsavíkur og hlakkar til samstarfsins.

 

Stefán Pétur Sólveigarson (hægri) með Óla Halldórssyni forstöðumanni eftir undirritun ráðningarsamnings.

 

Deila þessum póst

Share on facebook
Share on google
Share on twitter
Share on linkedin
Share on pinterest
Share on print
Share on email
X