shutterstock_1221600385

SUSTAIN IT: Sjálfbær vöxtur og samkeppnishæfni í ferðaþjónustu 

Þann 13. febrúar síðastliðinn funduðu samstarfsaðilar í Erasmus+ verkefninu SUSTAIN IT- Sjálfbærni í ferðaþjónustu – nýsköpun í þjálfun starfsfólks í Malaga á Spáni. Samstarfsaðilarnir eru átta og koma frá sex löndum, Belgíu, Kýpur, Íslandi, Írlandi og Spáni. Þekkingarnet Þingeyinga leiðir verkefnið og átti tvo fulltrúa á fundinum, ásamt einum fulltrúa frá Nýheimum Þekkingarsetri á Höfn. Gestgjafarnir voru spænsku samtarfsaðilarnir IWS – Internet Web Solutions.

Hópurinn telur að sjálfbær ferðaþjónusta þurfi að styrkjast og auka samkeppnishæfni sína. Aukin hæfni starfsfólks er lykilinn af þeirri þróun og leið til að auka atvinnumöguleika fólks í greininni. SUSTAIN IT verkefnið felur annars vegar í sér hefðbundna kennslu og hinsvegar fræðslu sem er aðgengileg á vefsíðu verkefnisins á fimm tungumálum þar á meðal á íslensku.

Á fundinum var farið yfir stöðu verkefnisins, áætlanir, vefsíðuna og það efni sem er þar til fræðslu og þjálfunar. Kynningarstarf og kynningarfundir eru mikilvægir fyrir sýnileika verkefnisins en áætlað er að þeir verði haldnir í haust.

Þekkingarnetið og Nýheimar á Höfn munu á næstu mánuðum prufukeyra íslenska námsefnið með það að markmiði að fínstilla það sem þarf. Næsta haust ætti efnið því að vera tilbúið til almennrar kynningar og notkunar.

Upplýsingar um SUSTAIN IT má finna á heimasíðu verkefnisins: www.sustainit.eu

 

 

 

Deila þessum póst

Share on facebook
Share on google
Share on twitter
Share on linkedin
Share on pinterest
Share on print
Share on email
X