Þessar hressu dömur, Aníta Dröfn Reimarsdóttir og Hrafngerður Ösp Elíasdóttir eru búnar að stunda nám í skrifstofuskólanum í vetur með hópnum á Húsavík í gegnum fjarfundabúnað. Skrifstofuskólinn er 240 kest. námsleið frá Fræðslumiðstöð atvinnulífsins en Fræðslumiðstöðin hefur gefið út námsskrár sem eru vottaðar af menntamálaráðuneytinu. Námsskrár þessar má meta til styttingar náms í framhaldsskóla. Kennsla hófst í október í fyrra og var kennt þrjá seinniparta í viku. Við óskum þeim Anítu og Hrafngerði innilega til hamingju með áfangann og þökkum fyrir samveruna í vetur.
