Veturinn fer vel af stað

Mikið líf hefur verið á símenntunarsviði síðustu vikurnar eftir að lengri námsleiðir haustsins fóru af stað í um miðjan september. Skrifstofuskólinn er kenndur þrisvar í viku og leikskólanámið okkar tvisvar sinnum í viku, en samtals eru um 17 nemendur í þessum tveimur námsleiðum. Kennslan fer öll fram í húsnæði okkar við Hafnarstéttina á Húsavík og má því segja að mikið líf og fjör sé hér seinnipartinn flesta daga.

IMG_5142

Styttri námskeiðin fara einnig vel af stað og eru heilsutengdu námskeiðin, auk matreiðslunámskeiðanna, lang vinsælust um þessar mundir. Í september voru 10 þátttakendur á Crossfit námskeiði sem heppnaðist vel auk námskeiðs í Zumba þar sem nemendur Miðjunnar liðkuðu mjaðmirnar og tóku létt dansspor. Núna framundan eru námskeið í hveitikímbakstri fyrir byrjendur, en þau verða haldin á Húsavík, Kópaskeri og Þórshöfn. Einnig mun húsvíkingurinn Gústav Axel Gunnlaugsson koma til okkar og kenna heimamönnum að búa til Sushi eins og honum einum er lagið.

Önnur námskeið sem verða í október eru jólakortagerð, konfektgerð og verkefnastjórnun.

Það er því óhætt að segja að veturinn fari vel af stað hjá okkur og að spennandi tímar séu framundan.

Deila þessum póst

Share on facebook
Share on google
Share on twitter
Share on linkedin
Share on pinterest
Share on print
Share on email
X