Starting-Your-Vehicle

Viltu læra að að eiga við erfiðar tilfinningar og hugsanir á nýjan hátt?

Lifðu betur er námskeið sem kennir þátttakendum nýjar leiðir til að eiga við erfiðar hugsanir og tilfinningar, forgangsraða í lífi sínu og gera meira af því sem skiptir þá máli. Námskeiðið hefst á klukkutíma lifandi kynningarfyrirlestri á netinu með Orra Smárasyni, sálfræðingi og Sigurði Ólafssyni, ráðgjafa, en svo fá þátttakendur aðgang að vefsíðunni lifdubetur.is í 10 vikur og geta tileinkað sér námsefnið á sínum hraða og forsendum. Námskeiðið byggir á Sáttar- og atferlismeðferð, sem er gagnreynd aðferðafræði til að auka lífsgæði Verð: 20.000 kr. Félagsmenn í Framsýn og Verkalýðsfélagi Þórshafnar geta sótt námskeiðið sér að kostnaðarlausu þar sem starfsmenntasjóðirnir Sveitamennt, Ríkismennt og Landsmennt greiða námskeiðsgjaldið að fullu. Námskeiðið er öllum opið og minnum við aðra en félagsmenn í Framsýn VÞ á að kanna rétt sinn hjá sínu stéttarfélagi. Fyrirlestur: Mándagur 7. september kl. 17:00 í Zoom vefumhverfinu. Kennarar: Orri Smárason, sálfræðingur og Sigurður Ólafsson, ráðgjafi. Nánari lýsing Lifðu betur er sjálfhjálparnámskeið sem fer alfarið fram á netinu á vefsíðunni lifdubetur.is. Meginmarkmið námskeiðsins er að bæta líðan og lífsgæði þátttakenda með því að:
  • Læra að eiga við erfiðar tilfinningar og hugsanir á nýjan hátt
  • Tileinka sér hugarfar núvitundar
  • Forgangsraða í lífi sínu
  • Auka virkni og gera meira af því sem skiptir mann mestu máli
  Námskeiðið samanstendur af lifandi kynningarfyrirlestri þar sem meginatriði sáttar- og atferlismeðferðar (SAM) eru kynnt og farið yfir hvernig megi fá sem mest út úr námskeiðinu.  Þessi fyrirlestur fer fram á netinu í gegnum Zoom forritið. Þú færð aðgang að lokuðu netsvæði Lifðu betur í 10 vikur sem inniheldur: sex stutta myndbandsfyrirlestra, leshefti, verkefnabók, hljóðskrár með núvitundaræfingum og hlekki á ítarefni. Lifðu betur byggir á ACT (Acceptance and Commitment Therapy) sem við þýðum sem SAM (Sáttar- og atferlismeðferð).  SAM er gagnreynd meðferðarnálgun sem sýnt hefur verið fram á að gagnist vel við fjölbreyttum tilfinningalegum vanda.  Rannsóknir hafa bent til að SAM henti vel til sjálfshjálpar og sem netúrræði.  Fræðast má nánar um þá nálgun á heimasíðu Lifðu betur (www.lifdubetur.is). Aðgangur hvers og eins að myndbandsfyrirlestrunum er opinn í 10 vikur.  Leshefti, verkefnabók og núvitundaæfingar er hægt að hala niður og eiga til frambúðar. Eftir kynningarfyrirlesturinn fara þátttakendur í gegnum námskeiðið á sínum hraða, á sínum forsendum og á þeim tíma sem þeim hentar.  Þar sem það er alfarið á netinu er enginn biðtími, alltaf opið og enginn takmörkun á þátttakendafjölda.  Námskeiðið virkar í öllum tölvum og snjalltækjum.  

Deila þessum póst

Share on facebook
Share on google
Share on twitter
Share on linkedin
Share on pinterest
Share on print
Share on email
X