Þekkingarnet Þingeyinga fékk nýverið endurnýjaða viðurkenningu sem fræðsluaðili í framhaldsfræðslu til næstu þriggja ára. Í viðurkenningu felst staðfesting á því að starfsemi fræðsluaðilans uppfylli almenn skilyrði laga um framhaldsfræðslu nr. 27/2010 og reglna sem settar eru með stoð í þeim. Mennta- og barnamálaráðuneytið sér um útgáfu viðurkenninga fræðsluaðila, með samráði við félags- og vinnumarkaðasráðuneytið.
Í umsóknarferlinu er farið yfir fjölmarga þætti í rekstri þeirra menntastofnana sem við á, þ.m.t. húsnæðiskost, faglegt starf og gæðakerfi í starfseminni.
