Það eru sannarlega spennandi tímar framundan hjá Þekkingarnetinu en nú hefur stofnunin auglýst tvö mikilvæg störf til umsóknar. Um er að ræða fjölbreytt tækifæri fyrir metnaðarfulla einstaklinga sem vilja taka þátt í áframhaldandi uppbyggingu öflugs og kraftmikils starfsumhverfis á Norðurlandi eystra.
Annars vegar er auglýst eftir verkefnastjóra á sviði símenntunar með starfsstöð á Húsavík. Um er að ræða fjölbreytt og skapandi starf þar sem viðkomandi hefur umsjón með þróun og framkvæmd fræðsluverkefna, námskeiða og viðburða. Verkefnastjórinn mun jafnframt sinna samstarfi við atvinnulíf, sveitarfélög og fræðsluaðila, auk þess að taka þátt í þróunar- og rannsóknarverkefnum, meðal annars á sviði fjölmenningar og samfélagsþróunar. Leitað er að einstaklingi með góða samskiptahæfni, frumkvæði og sjálfstæði í vinnubrögðum sem nýtur þess að starfa í lifandi og öflugu teymi.
Hins vegar er auglýst eftir náms- og starfsráðgjafa til starfa í fagteymi Þekkingarnetsins. Starfið felur í sér vinnu með einstaklingum og hópum, ráðgjöf um nám og störf, utanumhald gagna og þátttöku í þróunarverkefnum í samstarfi við atvinnulífið. Um er að ræða dýnamískt og fjölskylduvænt starf þar sem lögð er áhersla á faglegan vöxt, sveigjanleika og virka þátttöku í samfélagsuppbyggingu. Starfshlutfall er 70–80% með möguleika á aukningu.
Bæði störfin eru mikilvæg liður í því að efla þjónustu Þekkingarnetsins við íbúa og atvinnulíf á svæðinu. Þekkingarnetið gegnir lykilhlutverki sem miðstöð símenntunar, rannsókna, háskólanáms og nýsköpunar og er því spennandi vettvangur fyrir þá sem vilja hafa áhrif og taka þátt í þróun samfélagsins.
Umsóknarfrestur fyrir bæði störfin er til og með 31. maí og eru öll áhugasöm hvött til að sækja um á alfred.is:
Verkefnisstjóri á sviði símenntunar
Nánari upplýsingar veitir Hildur Halldórsdóttir, forstöðumaður Þekkingarnets Þingeyinga, í síma 464-5100 og hildur@hac.is
Þetta er einstakt tækifæri til að slást í hóp með öflugum starfsmönnum og taka þátt í áframhaldandi sókn Þekkingarnetsins á spennandi tímum.