Námskeið sem miða að því að veita matvælaframleiðendum fræðslu um þróun, fullvinnslu og markaðssetningu afurða í takt við Beint frá býli hugmyndafræðina. Unnið er út frá námskránni Matarsmiðja frá Fræðslumiðstöð atvinnulífsins.   

Markmið með námskeiðinu er að þátttakendur öðlist skilning og getu til að vinna að vöruþróun og einfaldri framleiðslu á matvælum. Þátttakendur taka virkan þátt í gerð uppskrifta, útreiknings á næringargildi, framlegð og rýrnun, markaðssetningu ásamt því að geta framleitt vöruna.  

Námið er öllum opið sem eru áhugasamir um framleiðslu og vinnslu matvæla.  

Skipulag náms   

Námið er 80 klukkustundir bóklegt (fyrirlestrar) og verklegt. Kennslan hefst þegar lágmarksþátttöku er náð.

Námsþættir:  

• Hreinlætis- og örverufræði.    
• Gæðahandbók  
• Næringargildi 
• Matvælastofnun 
• Hráefnisfræði 
• Aukaefni   
• Uppskriftir; uppsetning – verklýsingar – framlegðarútreikningar.      
• Rekstur og afkoma 
• Ostagerð   
• Hráefni – fiskur 
• Hráefni – villtar jurtir  
• Framleiðsla á eigin vöru – Einstaklingsvinna í tilraunaeldhúsi.      
• Styrkir og styrkjamöguleikar.    
• Ýmsir gestafyrirlesarar  

Fyrirlestrar verða í fjarkennslu þar sem notast er við fjarfundakerfi sem heitir zoom, þátttakendur þurfa því að hafa aðgang að tölvu með myndavél og hljóðnema. Kennt er á mánudögum og miðvikudögum kl 16:30-18:30 en upptökur verða aðgengilegar eftir kennslu.  

Verklegi þátturinn er tvískiptur. Um er að ræða einn dag á ostagerðanámskeiði og hins vegar er það þriggja daga lota í löggildum matvælasmiðjum á svæðinu. 

Fyrir frekari upplýsingar og fyrirkomulag kennslu er hægt að hafa samband á hac@hac.is eða í síma 464-5100.  

Námsmat  

Nemendur fá að loknu námskeiði viðurkenningarskjal fyrir þátttöku.  Gerðar eru kröfur um 80% mætingu í fjarnámshlutann og 100% í verknámshlutann.  

Kostnaður   

Kr. 36.000.-  þáttkökugjald í náminu.  

Þátttakendum er bent á að kanna rétt sinn til endurgreiðslu hjá starfsmenntasjóðum.  

Skrifstofuskólinn er ætlaður fólki á vinnumarkaði sem er 18 ára eða eldra, hefur stutta formlega skólagöngu að baki og vill skapa sér sterkari stöðu á vinnumarkaði með aukinni menntun eða er á leiðinni á vinnumarkaðinn að nýju eftir hlé. Tilgangur námsins er að auka sjálfstraust námsmanna til að takast á við almenn skrifstofustörf og stuðla að jákvæðu viðhorfi þeirra til áframhaldandi náms. Í náminu er lögð áhersla á að námsmenn læri að læra, efli sjálfstraust sitt og lífsleikni. Námsaðferðir eru aðallega byggðar á hagnýtum viðfangsefnum sem auðvelt er að yfirfæra á almenn skrifstofustörf.

Markmið eru að námsmaður:

•efli sjálfstraust sitt og öryggi til faglegra starfa á skrifstofu
•auki færni sína til að vinna störf á nútímaskrifstofu
•auki þjónustufærni sína
•nái valdi á tölvufærni sem krafist er við almenn skrifstofustörf
•auki námsfærni sína

Námsgreinar:

•Verslunarreikningur
•Námsdagbók og markmiðasetning
•Þjónusta
•Gagnvirk samskipti
•Handfært bókhald
•Sjálfstraust
•Tölvubókhald
•Námstækni
•Færnimappa og ferilsskrá
•Tölvu- og upplýsingaleikni

•Lokaverkefni

Námsmat:
Verkefnaskil, 80% mætingarskylda og virk þátttaka.

Styrkir vegna skólagjalda
Hægt er að sækja um styrki vegna skólagjalda til fræðslusjóða stéttarfélaga.

Nánari upplýsingar: 
Nánari upplýsingar á hac@hac.is eða í síma 464-5100

Námið hefst þegar lágmarksþátttöku er náð.

Verð 60.000 kr.

Verð á námsleiðum er birt með fyrirvara um breytingar